!! كوبري دمياط المتحرك اشتغل يا رجالة

.

.

النهارده وانا معدي من شارع الكورنيش لقيت كوبري دمياط الجديد شغال والعربيات ماشاء الله رايحه جايه من عليه

بصراحه انا زعلت لاني معرفتش الخبر ده الا متاخر

يقع الكوبري جمب كوبري دمياط القديم

بس يلا حصل خير

هو غالبا بدا يشتغل من حوالي يومين تلاته

الكوبري شغال رايح جاي يعني من السنانية لدمياط والعكس واكيد ده طبعا هيخفف كتير من الضغط علي الكوبري العلوي والضغط اللي بيحصل كل يوم من العربيات في منطقة ميدان الشهابية

وكمان الكوبري بيلف وبيتحرك عشان لو فيه مراكب كبيرة تقدر تعدي من النيل
الكوبري اتكلف حوالي 4.4 مليون دولار بس !!!
ويبلغ طوله 168 متر وممكن يشيل اكتر من 90 طن واستغرق الشغل فيه حوالي 22 شهر ويب

يلا الف مبروك لكل الدمايطة وعقبال كده ان شاء الله لما نشوفهم نضفولنا الشوارع وحلولنا مشكله النضافة في البلد اه!! ا

!!!! دمياط بدون مياه لاكثر من 14 ساعة

استيقظ اهالي مدينة دمياط النهارده التلات 12/12 ومن صباحية ربنا ومفيش ولا نقطه ميه في الحنفية وياريت الموضوع ده قعد ساعة او ساعتين لا الموضوع طول قوي والميه مجتش غير الساعه 10 بالليل .... يعني من 6 الصبح لـ 10 بالليل مفيش ميه !! يا حلاوة

والمتسبب في انقطاع الميه هم العمال اللي بيشتغلوا الوقتي في شارع الجلاء ... طبعا المهندس اللي المفروض مسئول عن خطوط الميه اكيد كان لسه نايم والعمال شدوا حيلهم هيلا هوب والجرار شال الاسفلت بمواسير الميه !!!! واظاهر ان ده خط رئيسي فاضطروا انهم يقطعوا الميه عن المدينة كلها عشان يقدروا يصلحوا المواسير اللي اكسرت

طبعا اهمال المهندسين او جهلهم اصلا كان السبب في المشكله دي

وطبعا ده كان رزق البقالين لان معظم الناس اضطر تشتري ميه معدنية عشان تشرب هيعملوا ايه بس

وداعا .... كباس دمياط


تم ازاله كباس دمياط الاثري الموجود في شارع الجلاء وذلك لتطوير الشارع

كباس دمياط عمرة يتجاوز الـ 60 عاما

وازالته كانت بسبب انه هيعيق حركة الشارع لان الشارع هيبقي في اتجاه واحد ( ابتداء من الكورنيش وانتهاء في باب الحرس )

0000

مقتل 3 وإصابة العشرات في معركة بين الصيادين والشرطة واعتقال 30

مدينة السرو - مركز الزرقا

الجمعة 8/12/2006

قامت قوات الشرطة بقتل ثلاثة صيادين وإصابة عشرات آخرين أثناء تنفيذ قوات الشرطة لقرار إزالة الأقفاص السمكية داخل النيل

وقالت جريدة الخليج ان قوات كبيرة من الشرطة حاولت إبعاد الصيادين عن أماكن وجود الأقفاص وعن مراكبهم التي كانوا معتصمين بها في قلب مياه النهر حتى يمكن إزالة الأقفاص، وعندما انقلبت قوارب الصيادين في المياه وتعرض بعضهم للغرق قام الأهالي من على الشط برشق قوات الأمن بالحجارة، وقام الصيادون بالدفاع عن قواربهم وأقفاصهم في المياه

وأطلقت قوات الشرطة القنابل المسيلة للدموع على أصحاب الأقفاص وقامت بالقبض العشوائي عليهم وإهانتهم وعائلاتهم !!

وتم نقل ستة مصابين بينهم امرأتان للعناية المركزة في مستشفى الزرقا، واعتقلت قوات الأمن 30 صيادا آخرين، وتم احتجازهم بمركز شرطة الزرقا والسرو بالمحافظة

ويجري البحث عن 20 صياداً آخرين فقدوا في النيل في المواجهات التي وقعت بين الصيادين وقوات الشرطة

نقلا عن موقع مصراوي

دمياط ... من القمر الصناعي

الصور دي ماخوذة عن برنامج جوجل ايرث الشهير وتم تصويريها حوالي عام 2005

مش بعيد تلاقي صورة بيتك في صورة من الصور دي



صورة للكوبري الجديد والكوبري القديم


حتى العربيات اللي فوق الكوبري تقدر تشوفها



وصورة لاستاد دمياط



شارع الجلاء .. لاحظ الكباس وحديقة البوسته


باب الحرس ومحطة الاتوبيس ... حتي الاتوبيسات اللي في المحطة تقدر تشوفها

كورنيش النيل وجامع البحر

المستشفي التخصصي والشارع الحربي



صورة لراس البر ومدينة عزبة البرج



وصورة لمسجد الرحمة وشارع النيل



اللسان



وميناء دمياط الجديدة

ودمياط الجديدة

كفر سعد