اصابة سيدة من العنانية بانفلونزا الطيور

اصيبت سيدة تدعى نعيمة عبده جميل تبلغ من العمر 25 عاما بانفلونزا الطيور حيث تم نقلها الي مستشفى الحميات بعد اصابتها بارتفاع في درجة الحرارة والاشتباه في اصابتها بالفيرس .. وتم ارسال عينات الي المعامل بالقاهرة لتحليلها وجاءت النتائج ايجابيه لتؤكد اصابتها وذلك اليوم الاحد 22 يوليو

وعلي الفور تم نقلها مباشرة الي مستشفى الصدر بالعباسية لاعطائها العلاج المناسب وقد ذكرت وزارة الصحة منذ قليل ان حالة السيدة مستقرة

نسال الله تعالى لها الشفاء العاجل



تحديث >>> 31 /7
قوات الامن تهدم عشش الفراخ في العنانية !!0

قامت قوات الامن التي اتت لمدينة العنانية في عربات مصفحة خلال اليومين السابقين وبعد الاعلان عن الاصابة الاولي بانفونزا الطيور قامت بمحاصرة المدينة وتقسيمها الي عدد من المناطق حيث داهمت اسطح المنازل بحثا عن الكتاكيت والفراخ اللي بيربيها الناس وتم مصادرة اي " فرخه " او " بطه " تقع تحت ايديهم
طبعا الخبر لما وصل لاهالي البلد استطاعوا ان يقوموا باخفاء العديد من الطيور داخل الحمامات والبيوت حتي لا يضيع " شقا عمرهم "

.

عندما تمتلىء شوارع دمياط بالموتسيكلات ؟؟ ظاهرة غريبة بدات تتفاقم يوما بعد يوم في شوارع دمياط وهي ظاهرة انتشار الموتسيكلات .. بدات هذه الظاهرة منذ ما يقرب من سنه تقريبا بعد ما قامت الصين بتصدير الموتسيكلات الي مصر باسعار رمزيه جدا مما ادي الي ان كل واحد معاه قرشين قا بشراء موتسيكل ومش كده وبس لا ده كمان ماشيين من غير نمر ولا رخص ولا كلام من ده خالص .. ولو حد راح راس البر من علي طريق عزبه البرج يوم الجمعه هيشوف العدد الرهيييييب من الموتسيكلات اللي اصحابها راكنينها جمب المعديات عشان ينزلوا يتفسحوا بيها في راس البر
ده غير السرعات الجنونيه اللي بيسوقوا بيها داخل البلد لدرجه ان اي واحد ماشي في الشارع او راكب عربيه معرض انه يلبس في اي موتسيكل من دول في اي وقت وخاصه يومي الخميس والجمعه

طيب بعد كام سنه من النهارده الوضع هيبقي عامل ازاي وخاصه ان اسعار الموتسيكلات متوافر في ايدي الجميع يعني اي واخد ب 200 جنيه مثلا ممكن يشتري موتسيكل صيني اخر موديل كمان !0

ده طبعا غير الحوادث اللي كلنا سمعنها عنها واللي كان سببها السرعات الكبيرة اللي بيسوق بيها الشباب وكمان انا سمعت ان علي طريق دمياط بورسعيد بيتم تنظيم مسابقات للسرعه بين الشباب

اتمني يكون لادارة المرور اي دور في تحديد هذه المشكله واقترح ان يكون هناك عدد معين كل شهر يتم اعطاؤه الرخص من ادارة المرور اما باقي الموتسيكلات الغير مرخصه يتم لمها في كماين داخل المحافظه وكمان محلات الموتسيكلات اتمني برده ان يكون عليها رقابه اكبر من كده وكل ده حفاظا علي حياة الناس