قرات لكم الخبرين دول

يمكن الخبرين اللي هقولهم النهارده ميفرقوش مع ناس كتير بس انا حبيت احطكم في الصورة واقولكم اخر الاخبار اللي في البلد

فريق غزل دمياط يتاهل الي الدوري الممتاز !0
اوعى حد هنا يفتكر الدوي الممتاز اللي فيه الاهلي والزمالك لا طبعا احنا مش بتوع الدوري الممتاز ده ... احنا اخرنا الدوري الممتاز ب .. الخبر كان منشور في جريده اسمها " دمياط اليوم " وكان بالبنط العريض وحسيت ساعتها اننا اتاهلنا لدوري ابطال اوربا يا جدعان !
بصراحه احنا خيبتنا تقيله قووووووي في موضوع الدوري ده وعندنا الوقتي غزل دمياط بقي في الدوري ب اما باقي الفرق ففي دوري الدرجه التانيه وانت نازل بقي

تغيير إسم مدينة "رأس البر" إلى "جزيرة رأس البر" !!0
وافقت لجنة التقسيم الإداري بمحافظة دمياط فى إجتماعها برئاسة د . محمد فتحى البرادعى المحافظ على تعديل إسم مدينة "رأس البر" إلى "جزيرة رأس البر" وإقتصار النشاط المسموح بهذه الجزيرة على النشاط السياحى فقط بما يتناسب مع الاسم الجديد.

وأكد البرادعى ، خلال الإجتماع ، على أن مدينة رأس البر شبه جزيرة على شكل مثلث محصور بين ضفة النيل الغربية وشاطئ البحر المتوسط .. وأصبحت حاليا جزيرة محاطة بالمياه من كل جانب بعد شق القناة الملاحية.

التعليق ... مش عارف الكلام ده هيفيد الناس في دمياط في ايه

.وانتظر تعليقات الزوار الكرام

وانتهت الانتخابات ... وحدث ما كان متوقعا !0
انتهت انتخابات الشوري في الدائرة الاولي في دمياط وكما توقع الكثيرون فقد فاز يها مرشح الحزب الوطني سمير زاهر - علي الرغم من عدم وجود شعبية حقيقية له - بفارق ما يقرب من 55 الف صوت !!!عن مرشح الاخوان فكري الادهم بينما حصل باقي المرشحين علي اصوات محدوده جدا
وما كان ملاحظا ان اليوم في دمياط بدا عاديا جدا ويمكن الكثير من الناس متعرفش ان فيه انتخابات والكثير الاخر يعلم ان هناك انتخابات ولكن فضلوا الا يذهبوا لانهم عارفين ان " مفيش فايده " وان " الحكومه اللي عايزاه هتنجحه " 0
واثناء مروري علي العديد من المدارس لاحظت ان مهجورة الا من افراد الامن والموظفين في لجان الانتخابات
اما لجنه المعهد الديني فكانت مغلقة تماما وتم منع الناخبات من الادلاء باصواتهم وقد لاحظت الكردون الموجود عند مدخل المعهد واعتقد حاجه زي دي لو حدثت في احدي دول اوروبا كفيله ان يتم الغاء نتيجه الانتخابات واعاجه الانتخابات من جديد !0
وقد ذكر موقع الاخوان المسلمين في دمياط الكثير من التجاوزات وتقفيل اللجان حدثت في ذلك اليوم

دي كانت اهم الاحداث في اليوم الانتخابي وكل انتخابات وانت طيبة يا دمياط

مرشحي انتخابات الشورى في الدائرة الاولى

طبعا في الدائرة التانيه اللي هي الزرقا وفارسكور فاز مرشح الحزب الوطني بالتزكيه وبالتالي مفيش انتخابات هتحصل في الدايره دي والانتخابات كلها في دمياط منحصرة الوقتي في دائرة دمياط وكفر سعد - الدائرة الاولي - 0
بلغ عدد المرشحين الذين سيخوضون الانتخابات في هذه الدائرة ما يقرب من 8 مرشحين اشهرهم :
1- سمير زاهر مرشح الحزب الوطني وهو الان رئيس اتحاد الكرة

2-فكري الادهم مرشح الاخوان المسلمين ودي صورة الدعاية الانتخابية بتاعته الموجوده في شوارع دمياط
3- احمد اللاوندي .. مامور ضرائب من الركابية رمز النجفة
4- طارق الجزيري من كفر البطيخ ويعمل مفتش اول بوزارة الاوقاف .. رمز المسدس
5- محمود عريضة من كفر البطيخ .. رمز مضرب التنس
6- احمد الخياط من كفر سعد .. رمز عنقود العنب
7- علي مطاوع .. مهندس من قسم رابع ... رمز الدبابة
8- ايمن لطفي .. تاجر موبليات من قسم اول .. رمز المفتاح

بالنسبة للمرشح سمير التلباني >>> فقد تنازل عن الانتخابات كما ذكرت وكالة الشرق الاوسط اليوم الاتنين

اما بالنسبة للدعاية الانتخابية للمرشحين ... فلم يلاحظ في مركز وبندر دمياط دعايوة انتخابية الا لسمير زاهر وفكري الادهم اما باقي المرشحين فالدعاية لهم تكاد تكون معدومة بالمرة


تابعونا