غرق 7 بحارة من عزبة البرج

لقي 7 بحارة من مدينة عزبة البرج مصرعهم امس الجمعة بسبب سوء الاحوال الجوية بعد غرق مركبهم امام سواحل رشيد .. وترددت انباء عن ان المركب قبل غرقها قامت بارسال رسالة استغاثة عاجلة ولكن السلطات المصرية لم تستطع انقاذهم نظرا لسوء الاحوال الجوية !!0
وقبل قليل قالت اخت احد الضحايا علي برنامج 90 دقيقة والذي يبلغ من العمر 16 عاما ان الاتصال انقطع مع اخيها عصر امس الجمعة وان والد الضحية طلب من السلطات ارسال طائرة خاصة لانقاذهم الا انهم قالوا لهم بالحرف " الطيارة اللي هتطلع دي علي حساب مين " !0

والجريدة تتقدم بخالص التعازي لاهالي المركب وتسال الله لهم العفو والمغفرة




نقلا عن جريدة الوسط
غرق 3 عمال بالمجاري

لقي 3 عمال بالصرف الصحي مصرعهم غرقا اثناء اصلاح بياره صرف صحي بطريق دمياط راس البر سقط احد العمال في البئر وحاول زميليه انقاذه الا اهما فشلا ولحقا به والعمال هم علي عبد اللطيف سيد 36 سنه وهلال محمد سيد 45 سنه واسامه محمد شحاته 40 سنه وتم نقل الجثث الي المشرحه وتولت النيابه التحقيق

متابعة لمسلسل تلوث مياه النيل

محطة مياه العدلية .. الجريمة المستمرة

ارتكبت ولا تزال ترتكب محطه مياه العدلية والواقعة علي اول طريق فارسكور جريمة كبرى في حق ابناء دمياط حيث انها تقوم بالقاء مخلفاتها الناتجة عن تكرير مياه الشرب في نهر النيل وبالتحديد شمال الهاويس .. وعلي الراغم ان المحطة تقع جنوب الهاويس الا انها تقوم بصرف هذه المخلفات عن طريق ماسورة صرف الى شمال الهاويس وكأن منطقة شمال الهاويس اصبحت " مزبلة " وكأنها اصبحت منطقة تابعة لدولة اخرى

المياه التي تلقيها المحطة هو مياه صفراء اللون وهذا اول دليل علي انها مياه ملوثة للنيل والدليل الثاني هو القائها بهذه المياه شمال الهاويس اي ان المحطة تعترف بانها ملوثة لانها ان كانت مياه صالحة لكانت المحطة القتها بجوارها جنوب الهاويس ولكن خوفا من اختلاط هذه المياه مع المياه التي تقوم بسحبها من النيل

المحطة امدت هذه الماسورة علي مسافة ما يقرب من الكيلو والنصف وتفتخر بان هذه المياه التي تلقيها تابعة لها عن طريق لوحة وضعتها اعلى الماسورة مكتوب عليها " ماسورة صرف تابعة لمحطة مياه العدلية " واللي عايز يتاكد من وجود ماسورة الصرف يمكنه رؤيتها وبكل وضوح بجوار سد دمياط وهي تلقي قاذوراتها
في النيل

ولك الله يا شعب دمياط

هي دي الميه اللي بنشرب كلنا منها
خاص - جريدة دمايطه الالكترونية -

لم اكن اتخيل يوما ما ان ارى مثل هذه الصور التي اصابتني " بالقرف " وانا افتح حنفية المياه لاشرب منها .. كنت اقتنعت منذ فترة ليست بالبعيدة ان مياه النيل في دمياط اصبحت نظيفة ولم تعد ملوثة لكن بعد ان تروا هذا التقرير ستقتنعون مثلي بحجم هذه الماساة التي لا يزال يعاني منها نهر النيل وبالتالي يعاني منها ابناء دمياط

صورة من على وش الميه


دي ماسورة موجودة امام سنترال دمياط .. لاحظوا المياه السوداء التي تخرج منها وتصب في النيل ومعلش محدش يقولي دي لصرف مياه الامطار ولاحظوا ان الجو ربيع ومفيش اثر لامطار وبعدين فيه مياه امطار باللون القذر ده





مواسير اخرى تصب مخلفاتها في النيل .. والماسورة اللي في الصورة رقم 6 موجودة امام مبنى محافظة دمياط !!!0




واذا افترضنا ان دي مواسير لصرف مياه الامطار .. فهل يوجد دولة محترمة في العالم تصرف مياه الامطار في المكان اللي شعبها بيشرب منه .. المفروض ان مياه الامطار بيعاد تنقيتها وتستخدم في الزراعة او في الشرب لكن بعد اعادة تنقيتها


دي صور ايضا من علي وش الميه لاحظوا لون وشكل المياه




اما المصيبة القادمة فانا سأدع الصور هي التي تحكي لكم

هل لاحظتم اسلاك الكهرباء وهي في الماء ..
ماذا لو نزل احد الاطفال مثلا عشان يصطاد او لو فيه مركب معدية من المكان دي يا ترى ماذا ستكون النتيجة ؟؟
لماذا يتم الاستهتار بحياة الناس بهذا الشكل ؟
والي متى سنظل نشرب المياه الملوثة ولا يجب ان ننسى ان دمياط في اخر مصب النيل ان ان نهر النيل يحمل ما يحمله من مخلفات وقاذورات كل المحافظات المطلة علي نهر النيل وترمي بها في دمياط ثم نيجي احنا زي الشطار نلوث الميه اكتر ما هي ملوثة ؟
وماذا عن الاسماك التي تعيش في هذه المنطقة ؟

احمل هذاه التقرير وادعه امانة في عنق كل المسئولين في المحافظة وفي عنق المسئولين في وزارة البيئة ووزارة الري ووزارة الزراعة فلربما بجد منهم تحركا ايجابيا تجاه هذه القضية

الشارع الحربي .. الازمة مستمرة

ازمة مرورية مستمرة في الشارع الحربي منذ ما يقارب الشهرين نتيجة تطوير شبكة الصرف الصحي بالشارع .. وعلي الراغم من ان الشارع الحربي من الشوارع الرئيسية والتي تربط اجزاء كبيرة من منطقة الاعصر وعزبة اللحم وقرية الاحمدي والبصايلة الا ان العمل في هذا الشارع متباطيء بشكل كبير مما ادى ان اختناق مروري مستمر نتيجة غلق احد حارات الشارع

احد الحارات مغلقة تماما


العمل شبه متوقف في الشارع الحربي

والعجيب في الامر ان العمل متوقف تقريبا وكل كام يوم لما الواحد يشوف العمال بيشتغلوا وده طبعا لو احد المسئولين حد ساله هيقوله ببساطه " مفيش فلوس " طيب لما مفيش فلوس ايه اللي يخليكوا تبوظوا الشارع وتوقفوا العمل فيه عشان مفيش فلوس طيب ما تستنوا لما الفلوس تيجي وتشتغلوا بعدها ويتم انجاز المشروع ده في ايام معدودات عشان الناس تعرف تمشي في الشارع

وزيرا الاستثمار والتنمية المحلية يفتتحان المؤتمر الثانى للاستثمار بدمياط
اعداد أ.محمد منصور

يفتتح الدكتور محمود محى الدين وزير الاستثمار واللواء محمد عبد السلام محجوب وزير الدولة للتنمية المحلية مساء "الجمعة" فعاليات "المؤتمر الثانى للاستثمار بمحافظات دمياط والدقهلية وكفرالشيخ والشرقية" .
وصرح الدكتور محمد فتحى البرادعى محافظ دمياط بأن المؤتمر سيقام تحت رعاية الهيئة العامة للاستثمار وسيناقش فرص الإستثمار بهذه المحافظات والطرق المثلى لجذب الاستثمار وتوفير فرص العمل للشباب وإنشاء مناطق صناعية حرة بعد استكمال المنطقة الحرة بدمياط.
يقام المؤتمر على مدار يومين بمدينتى دمياط ورأس البر ويحضره محافظو الشرقية ودمياط وكفر الشيخ والدقهلية

انتهى نص الخبر كما كتبه أ.محمد منصور

اما اللي كان خلف الكواليس من الاستمرار في نفاق المسئوليين فحدث ولا حرج .. للاسف انتشر وبسرعة البرق عمال النظافة بطول الكورنيش عشان ينضفوه .. عسكري مرور كل 100 متر .. كوبري دمياط الاثري فتحت ابوابه لاستقبال الضيوف وتم تشغيل شاشات العرض علي الرغم ان مفيش حد كان موجود داخل الكوبري .. حتي المطبات اللي في الشوارع تم الاهتمام بيها واللي هيلاحظ المطب اللي في منزل الكوبري العلوي وبالتحديد املم صيدلية السنانية الجديدة هتلاحظوا ان تم تعديله عشان طبعا البهوات
واللي حصل في دمياط حصل بالظبط في راس البر من تنظيف وكنس مستمر للشوارع

نفسي ومنى عيني احد المسئولين يقول للسواق وهو ماشي علي الكورنيش يدخل كده من اي حودا تقابله مثلا علي الاعصر الاولانية ويدخل بنفسه يشوف حال البلد جوه عامل ازاي

سامحوني علي لغتي الغاضبة لكن فعلا الواحد بيضايق جدا من المناظر اللي بيشوفها دي ومش عارف امتي هينصلح حالنا ونبطل نفاق للسادة المسئولين