اول الانفرادات ... مشروع ردم الترعه .. حصريا

يمكنكم الان متابعه ما يحدث علي طريق دمياط عزبة البرج فقط من خلال المدونة وتغطية شامله لما يحدث هناك
وهذه اول دفعة من الصور- اضغط علي الصورة للتكبير -

المواسير بعد وضعها


صورة كامله لما تم انجازه حتى الان .... ويظهر مسجد الحطاب في الصورة .. بصراحه كنت اتمني لو يتم تكمله المشروع علي طول طريق دمياط عزبة البرج ؟؟


تصوروا ان الجزء ده كان فيه ترعة قبل كده ؟؟!



ده بقي عمنا الونش اللي نازل تحت وقايم بالشغل كله

اخر جزء تم الانتهاء منه حتي الان ... وبرده عمنا الونش باين في الصورة



الصورة الاخيرة لكوبري شط جريبة الخشبي .. اتذكر وانا صغير عديت من علي الكوبري ده كتييير اما الوقتي فخلاص بح

تابعونا فلا زال عندي الكثير والكثير وان شاء الله معكم حتي الانتهاء من هذا المشروع
وارجو الا تبخلوا علينا بالتعليقات والاقتراحات

تحولت دمياط الي جزيرة في وسط البحر حيث هطلت الامطار بغزارة علي ما يقرب من 4 ساعات متصله مما ادي دخول المياة الي العديد من المحلات خاصة في الحارات والشوارع الضيقة واصبح الانتقال من مكان الي مكان يشبة المهمة المستحيله
والسؤال الذي اكرره مرة اخري ماذا سيحدث اذا هطلت الامطار يومين تلاته بشكل متصل خاصة مع وجود شبكات صرف مياه الامطار الحديثة والمتقدمة جدا والتي تتمتع بها المحافظة ؟؟؟؟!!!!0

هما ناويين يعملوا ايه في الكوبري القديم ؟؟!0

ناس كتير بتكلم عن موضوع الكوبري القديم هل ناويه المحافظة تبيع ما تبقي من خردة منه ولا ناويه تنقله لمكان تاني وبعض الاشاعات اللي سمعتها بتقول هيعملوه مكان اثري
انا بقي عرفت اجيبلكم خبر الكوبري ده واللي هيحصل فيه
طبعا زي ما احنا عارفين ان الكوبري القديم بيتكون من 3 اجزاء .. جزء ثابت ناحية دمياط - وهو غير موجود حاليا وتم ازالته اثناء العمل في الكوبري المتحرك الجديد - وجزء ثابت ناحية السنانية وجزء متحرك بيربط بين الجزئين الثابتن

المهم ... اللي هيحصل ان شاء الله ان الجزء الجزء الثابت اللي ناحية السنانية هيتم ترميمه وتجديده وتحويله الي نادي اجتماعي
اما الجزء المتحرك وده المهم هيتم ترميمه ايضا وتجديده وسيتم نقله امام المكتبه العامة علي كورنيش النيل ليكون جزء منه في النيل وسيتم ايضا تحويله الي مزار ونادي اجتماعي
امتي بقي الكلام ده هيحصل ويتم تنفيذه محدش يسالني لاني مش عارف هههه !!

00