احنا اتفضحنا !!0

ده اللي ااقدر اقوله بعد الاحداث المؤسفة اللي حصلت اليومين اللي فاتوا بين بلطجية من عزبة البرج والشيخ ضرغام ... العاشرة مساء منذ قليل واول خبر كانت بتكلم عن اللي حصل - شوفتوا الفضايح اللي بجلاجل - 0
انا مش هحاول ادخل في تفاصيل الاحداث لكن اللي عايز اوصله كفايه فضايح اكتر من كده
ازاي ناس تروح تخطف شباب من قريه وتعذبهم بالصورة الهمجية دي وكاننا في غابه بجد مش قادر اتصور ده
واذا كان فيه مجموعه من الناس غلطت وعمل حاجه غلط .. ليه نعمم المشكله علي اهالي كل القريتين
وبعدين الناس الي اتعورت دي ذنبهم في رقبة مين ؟؟؟ والمحلات اللي اتكسرت دي ذنب اصحابها ايه ؟؟ - الصور عن موقع نافذه دمياط - 0



الوضع الان بقي هادي نسبيا علي طريق دمياط عزبة البرج بعد اغلاقه لفترة ونتمني ان يتم وضع حل للمشكله دي في اقرب وقت
وربنا يهدي الجميع


اللي ميعرفش القصه ممكن يقراها علي هذا الرابط
http://www.domiatwindow.net/viewarticle.php?ArticleID=2765

..

70 صياد من عزبة البرج محتجزين في الصومال !!0

عن الجزيرة : الصومال تحتجز 3 سفن مصرية لمخالفتها قواعد الصيد في المياه الاقليمية
وعن الوفد : احتجزت السلطات الصومالية الاسبوع الماضي 3 سفن صيد وعلي متنها 70 صياداً مصرياً بتهمة مخالفة قواعد الصيد بالمياه الاقليمية للصومال

الله اعلم بقي الكلام ده حقيقي ولا دي لعبة سياسية مثلا محدش عارف بس اللي لتاكدت منه انهم فعلا من عزبة البرج وقالت لي احدي السيدات ان ابن عمها ضمن المجموعة اللي تم احتجازها وانهم كان معاهم كل التصاريح والموافقات اللازمة قبل ما يطلعوا

ايا كانت الاسباب فاننا نتمني لهم السلامة والعوده في اسرع وقت



عاااجل

في خبر اذاعته الجزيرة منذ قليل ... ان الصيادين عادوا وتم الافراج عنهم
وقالت الوفد في عددهات الصادر اليوم الخميس 24 مايو ان بعض الصيادين استطاعوا الفرار من قبضة الذين احتجزوهم وان من احتجزهم هم مجموعه من العصابات الصوماليه وانهم اطلقوا عليهم النار

حمدا لله علي السلامه ومبروك لكل قرايبهم ونتمنى عوده باقي الصيادين في القريب العاجل ان شاء الله


القصه الكاملة لاحتجاز الصيادين ذكرتها جريده المصري اليوم علي هذا الرابط
http://www.almasry-alyoum.com/article.aspx?ArticleID=63258

.