خليكوا ايجابيين وقولوا
لا لمنصع الموت في راس البر

كعادة حكومتنا المصرية الرشيدة والحكيمة في مفاجاتها الغير متوقعة دائما .. اهدت الحكومة المصرية لشعب دمياط واحدا من الهدايا التي لن ينساها الشعب ابدا وهو مصنع الموت الذي وافقت عليه لبناؤه علي طريق راس البر علي الرغم من مخالفته لكل الشروط البيئيه

اقرؤا ما كتبه الاستاذ ماجد البسيوني وهو دمياطي الاصل ونائب رئيس تحرير جريدة العربي في مقالات بعنوان جريمة عصر علي هذا الرابط
جريمة عصر مصنع اجريوم

وبدون الدخول في تفاصيل اكتر لان كل الدمايطه عارفين ضرر المصنع ده علي البيئة وعلي الصحة وعلي الثروة السمكية وعلي السياحة واللي ميعرفش خطورة المصنع ممكن يقرا التقارير التالية
هنااا
هنااا
هنااا

لازم نكون ايجابيين ونحاول نعمل اي حاجة عشان مستقبل ابنائنا

هناك حملة كبيرة علي موقع الفيس بوك تحت نفس الشعار " لا لمصنع الموت في راس البر " موجوده علي هذا الرابط
هنااااااااااااااااااااا

تعتمد الحملة كمرحلة اولي علي ارسال رسائل وايميلات الي البرامج التلفزيونية الشهيرة من اجل ان يعرف الجميع ان كل دمياط رافضة مصنع الموت

ودي صيغة مقترحة لنص الايميل اللي هنبعته:

انقذوا شعب دمياط !

رسالة يرسلها شعب دمياط الي قناتكم لانقاذه وانقاذ صحة ابناؤه من السرطان

فقد قامت الحكومة بالموافقة علي انشاء مصنع للاسمدة الكيماوية بجوار مدينة راس البر علي الرغم من اضرار المصنع علي البيئة والصحة والثروة السمكية والسياحة في مدينة راس البر
وعلي الرغم من اعتراض محافظ دمياط وشعب دمياط كله الا ان الحكومة للاسف وافقت علي بناء المصنع غير مبالية بصحة ابناء هذا الشعب

نرجو من سيادتكم عرض القضية علي الراي العام لايقاف بناء هذا المصنع قبل ان يحدث مالا يحمد عقباه


ودي ايميلات ومواقع البرامج الشهيرة ياريت الكل يبعت ولو رسالة واحدة
:
http://www.elmehwar.tv/90minutes/contact.asp?id=2

http://www.alqaheraalyoum.net/contact.htm


او ابعت رسالة قصيرة على

91235 العاشرة مساء
0107755555 عمرو اديب

ايميل القاهرة اليوم
alkaheraalyoum@orbit.net

برنامج اليوم السابع
7day@mbc.ae

برنامج العاشرة مساء قناة دريم
al3ashera@dream

برنامج الحقيقة - وائل الابراشي
elhaea@dreams.tv

قناة الجزيرة
supportnet@aljazeera.net


عايزين ايجابية والكل يحاول يبعت وان شاء الله انا حاسس ان خلال ايام الموضوع ده سيتم عرضه في احد البرامج
همتكوا شويه

تابع
صور نادرة لمصيف راس البر

كنت قد نشرت منذ فترة صورتين لمصيف راس البر وهما من الصور النادرة جدا ايام جما عبد الناصر في زيارته للمصيف وهذه مجموعة اخرى من الصور حصلت عليها ايضا علي الفيس بوك اي ان الصور ليست ملكا خاصا لي

اترككم مع الصور

جمال عبد الناصر ينزل من سيارته .. بداية الزيارة

يسير علي اللسان اللي كان عبارة عن رصيف صغير جدا داخل البحر زي ما شايفين

يسلم على صيادين عزبة البرج

امام فندق اسمه الشاطىء في مدينة عزبة البرج


ودي صورة نادرة لمدينة راس البر تم التقاطها من الطائرة
ويظهر فيها نهر النيل ومنطقة اللسان .. لاحظ عدم وجود اي حواجز تفصل المياة عن راس البر وعشان كده كان زمان اي فيضان في النيل او مجرد ارتفاع مياه البحر يؤدي الي دخول المياة وسط العشش ( الفيلات )



تحياتي للجميع

هل يدخل سعر المشبك الدمياطي موسوعة جينيس ؟!!0

ربما كنت احلم عندما ذهبت بالامس الي محل الحلويات الذي اتعامل معه واشتري من عنده المشبك مرة مثلا كل اسبوعين او كل شهر حسب ما الواحد يحب .. نعم كنت احلم ولم اصدق عيناي في كل مرة اذهب فيها لشراء المشبك .. لكن بالامس سعر المشبك اصبح لا يمكن السكوت عليه بعد ان وصل الي 8 جنيه و نصف للكيلو الواحد !0

نعم 8 جنيه ونصف كيلو المشبك الواحد بعد ان كان المشبك " ملقح " في محلات الحلويات والكيلو لا يتخطى 3 او 4 جنيه ولا يجد من يشتريه ؟ يعني بعد ما كان اي واحد بيروح يشتري تلاته اربعه كيلو بـ 16 جنيه الوقتي هيروح يجيبهم بـ 34 جنيه يعني مرة ونصف ضعف التمن الاصلي يعني زيادة اكثر من 100% وفي اقل من عام واحد فقط ؟!! ده طبعا هيخلي اللي رايح يشتري 4 كيلو هيشتري 2 كيلو بس واللي كان بيشتري 2 كيلو هيشتري كيلو واللي كان بيشتري كيلو كفايه عليه انه يعدي علي محلات الحلويات يتفرج علي شكل قرص المشبك قبل ما ييجي اليوم اللي ينسى فيه شكله ؟؟؟!0
طب لما يكون احنا بلد الحلويات وسعر المشبك يوصل فيها للرقم ده طب لو كنا بقى بنجيبه من محافظة تانيه كان هيبقى سعره كام بقى ان شاء الله ؟

لك الله يا شعب مصر

صيدلية عامة تتعرض للسرقة
خاص - جريدة دمايطه الالكترونية -

تعرضت صيدلية د/هانى والواقعة في ميدان الكوبري العلوي للسرقة من قبل مجموعة من البلطجية .. حيث قام عدد من البلطجية بدخول الصيدلية والتي تعمل خدمة ليلة وقاموا باشهار المطاوي في وجه من كان يعمل بها في هذا الوقت المتاخر من اليل فما كان من هذا الشخص الا وان قام باعطائهم كل الاموال الموجودة في الصيدليه حفاظا علي حياته وقام البلطجية بركوب عدد من الموتسيكلات ولاذوا بالفرار

آخر اخبار الكوبري القديم

كوبري دمياط القديم يجري فيه حاليا عمليات تجديد لتحويله الي مزار اثري لابناء دمياط

والعمل جاري حاليا علي قدم وساق امام مكتبة مبارك علي كورنيش النيل

ودي صور لاخر التطورات - الصور اللي التقطها احد زملائي علي الفيس بوك وله مني كل الشكر والتقدير - 0





وساوافيكم باخر التطورات لحظة بلحظة فتابعونا

اعتقال 25 شخصا في السنانية

قامت قوات الامن باعتقال ما يقرب من 25 شخصا في السنانية بعد خروج عدد كبير من الناس واحتجاجهم علي اقامة مصنع اجريوم الكندي علي ارض دمياط بجوار ميناء دمياط .. وتقول بعض المصادر ان الاهالي الذين يملكون اراضي زراعية بالقرب ممن المصنع قاموا بحرق اطارات السيارات وقطع طريق دمياط راس البر وترديد عبارات ضد انشاء المصنع على ارض دمياط لما له من اثار سلبية علي الانسان والثروة السمكية والزراعية

هذا ويتواجد علي طريق دمياط راس البر وبالتحديد في منطقة معرض سيارات المصرية عدد من عربات الامن محملة بالقوات تحسبا لحدوث اي مظاهرات اخرى

ايقاف تراخيص الموتسيكلات

اوصى المجلس المحلي للمحافظة بايقاف تراخيص الدراجات النارية لمدة عام كامل وتكثيف دور الاجهزة المختصة بالضرائب والتهرب الجمركي علي الشركات التي تمارس نشاط بيع وشراء الموتسيكلات وضبط الموتسيكلات الغير مرخصة وبدون لوحات وتكثيف الحملات المرورية بالمدن والقرى لضبط المخالفين


تعليق الجريدة
كان فين الكلام ده من زمان ؟؟ بعد ما توفي المئات من الشباب بسببها ؟ وهل فعلا هنشوف تطبيق ده على ارض الواقع ولا كلها قرارات وخلاص؟