علي مسئولية الوفد ... اصابات بشرية بالبروسيلا في دمياط

ذكرت جريدة الوفد اليوم الجمعة ان هناك اصابات بشرية من مرض البروسيلا في مستشفى حميات دمياط
ومن المعروف ان المرض ينتقل من من المواشي والابقار الي الانسان عن طريق اللبن الملوث والذي لا يتم غليه بالشكل الصحيح

وده رابط الخبر

هنا

في الزرقا ... البانجو تحت النقاب

القت مباحث الزرقا القبض علي سيدة وبحوزتها كيبلو ونص بانجو و11000 جنيه داخل منزلها بمدينة السرو
توصلت التحريات الي ان السيدة التي تبلغ من العمر 27 عاما تقوم بالاتجار بالبانجو وتقوم بتخبئة البانجو تحت النقاب الذي ترتديه بعد ان ذاع صيتها في المدينة

0نقلا عن جريدة المساء

مطبات الكورنيش واسفلت الجلاء .. كلاكيت تاني مرة !0

خلاص سمع هسسسس ؟؟
الكونيش اتعمل والمطبات اتحطت وكله تمام في تمام
وبعد كام يوم من حط المطبات رجعوا شالوها تاني وغيروا اماكنها !!!0
لو ركبت مواصله الاعصر او لو عندك عربية ملاكي هتلاحظ الكلام ده
كان في الاول فيه مطب قدام الامريكين وفجاه المطب راح واختفي !0
ونفس الكلام المطب اللي كان في مدخل العربي اتشال واتحط قدام شويه

نفس الكلام حصل مع الاسفلت اللي اتحط في شارع الجلاء ناحية صرافة النيل
والنهارده شالوها وعملوا اسفلت جديد خالص !!0

طيب كان لزمتها ايه من الاول ان احنا نحط المطبات وبعدين نشيلها
او نسفلت جزء من الشارع وبعد كده نرجع نشيله

فين الخبراء اللي المفروض يكونوا موجودين من اول مرة ويخلوا العمال يعملوا الحاجه ويمشوا ع الخطه اللي اتحطط
ولا احنا بنعمل الحاجه علي مزاجنا واما متعجبناش نشيلها ونعمل غيرها !!0
طب مش حرام الاسراف والتبذير ده ؟؟

اتمني ان المطبات تفضل زي ما هي بقي وميرحوش ينقلوها كمان يومين

وفاة سيدة في الجربي بسبب شمعة

لقيت سيدة تبلغ من العمر 65 سنة مصرعها حرقا اثر اندلاع نيران شمعة في مسكنها بمنطقة الجربي يوم الاثنين 12 /2

علمت الشرطة باندلاع حريق باحدي العشش ... وتبين بعد ذلك السيدة نامت علي ضوء شمعة في هذه الليله بعد نفاد رصيد كارت عداد الكهرباء " الديجيتال " واثناء نومها نشب حريق في العشه مما ادى الى انفجاز انبوبتي بوتاجاز

عن جريدة المساء

حلويات العزوني ... في الباي باي

النهارده واول ما صحيت من النوم لقيت اخويا بيقولي في البيت .. الحق دول شالوا العزوني !! 0
العزوني مين يا جماعه اللي شالوه ؟؟؟
المهم وحبه كده ونزلت الشارع وقابلت واحد اعرفه ولقيته بيقولي معرفتش اللي حصل ... دول شالوا العزوني !!!

حسيت ان العزوني ده راجل جامد في البلد وبعد ما استفسرت اكتر عرفت ان محل ومصنع العزوني للحلويات الجرارات شالته وساوته بالارض !!0

رحت شارع الجلاء عشان اتاكد من الموضوع وفعلا لقيت نص المحل طاير ولسه النص التاني هيكمله عليه ولقيت عربيات الامن المركزي واقفه هناك حوالي 4 عربيات او اكتر والعساكر الغلابه جواها ومش عارف لحد الوقتي الامن المركزي رايح هناك يعمل ايه ؟؟؟

المهم .. محل العزوني ده في اول شارع الجلاء علي ايدك الشمال وانت داخل من باب الحرس
موقع مميز جدا ومشار اليه بالدائرة الحمراء - صورة من القمر الصناعي -

والمحل ده واللي سمعته من الناس انه مبني علي ارض الدوله يعني الراجل ده ملوش حاجه في الارض وعشان كده لما طلع من المحل مخدش ولا مليم !!0

لو رحت هناك هتحس ان الدنيا بقت واااسعة وان الشارع فعلا بدا يبقي شارع بجد وبحق وحقيقي

سنوافيكم باي تطورات في هذا الموضوع ان شاء الله

محطة الاتوبيس

تم اليوم اغلاق مدخل ومخرج محطة الاتوبيس المطل علي شارع الجلاء

محطة الاتوبيس من القمر الصناعي

وبقى دخول وخروج الاتوبيسات الوقتي من الباب الخلفي للمحطة

وسامع اخبار بتقول ان محطة الاتوبيس نفسها هيحصل فيها تطورات وهيتم تجديدها عشان تواكب التطور اللي بيحصل الوقتي في شارع الجلاء لان بصراحه منظرها عره قوي !!! ولان بامانة لو حد من بره مصر جه دمياط وشاف منظهرها وقارنه بشارع الجلاء هيقول علينا كلام مش كويس !!

0

ايه موضوع شارع الجلاء ده ؟؟؟



الموضوع طول وشكله لسه هيطول
من حوالي شهر ونص تقريبا وشارع الجلاء - الشارع الجديد - مقلوب
والسبب تطوير وتجميل الشارع ... ماشي تطوير تجميل مقلناش حاجه
بس الموضوع طول قوي !؟

هو مش المفروض ان فيه ميزانية اتحطت للمشروع ده وبعد كده المشروع بدات المحافظة تشتغل فيه ولا هما بشتغلوا علي قد الفلوس اللي بتجي ولما ميكونش فيه فلوس خلاص وقف يا جدع !!0

المشكله ان المشروع كان في اوله ماشي بسرعة البرق .. يعني خلال ايام عماويد الكهربا اتشالت وخلوا سلوك الكهربا ارضي وسفلتوا جزء من الشارع وحطوا عماويد النور وبداوا يعملوا الرصيف
لكن حبه في حبه معتش الواحد بيشوف حد بيشتغل في الشارع وكل تلت اربع تيام لما الواحد بيلاحظ شغل في الشارع وشغل بسيط قوي
وكمان المحافظ نقلا عن جرنان " الدمايطه " قال ان الشارع هيتم تسليمه قبل العيد الكبير !!!! 0

طيب لما ده يحصل في شارع رئيسى في المدينة امال لو كان شارع فرعي ممكن يشتغلوا فيه اد ايه ؟؟؟؟؟؟