حتي المساجد بتتسرق في الزرقا ؟؟

قامت قوات مباحث الزرقا بالقاء القبض علي عاطل في قرية ميت الخولي تخصص " سرقه مساجد " حيث يقوم بسرقه ساعات الحائط واللمبات والايات القرانية المعلقة علي الحائط ؟!!0
وقامت المباحث بالقبض عليه قبل التصرف في المسرقات وبيعها حيث قام ايضا بالارشاد عن زملائه الذين كانوا يقومون بمراقبة الشارع اثناء عمليه السرقه !!0

تعليقي علي الخبر : هي الناس جرالها ايه يا عاااالم ؟؟ ربنا يستر علينا ؟؟

عن جريدة المساء


<<<<< تحديث <<<<<0
وقع اليوم الثلاثاء حادث امام الامريكين علي كورنيش النيل حيث قامت سيارة بي-ام -دبليو بصدم احد الاشخاص وهو يقوم بمرور الشارع والغريب ان الحادث حصل بعد المطب مباشرة ودي طبعا حاجه غريبه جدا لان المفروض ان كل العربيات بتكون داخله ع المطب بسرعه هاديه اللي شاهدته هو احد الاشخاص ملقي علي الارض والناس متجمعه حواليه والعربيه نص الازاز اللي قدام بتاعها ادشدش
ربنا يستر

أخبار ع السريع

طريق دمياط عزبة البرج .. يتم الان الاستعداد لردم الجزء المتبقي من الترعه واللي يروح هناك الوقتي هيلاقي مواسير كبيرة حاطينها هناك وطبعا الترعه دي لازم تتردم عشان يوصلوا طريق المحور الجديد بالشارع الحربي ... بس انا خايف الموضوع ده يستمر بقي تلات اربع سنين ولا حاجه !! ع العموم الف الف مبروك لاهالي عزبة اللحم هههه

امتلات شوراع دمياط الرئيسيه باليافطات التي تدعو الدمايطه للتوجه للاستفتاء يوم الاتنين .. ميدان الشهابية ..ميدان البوسته .. شارع الكورنيس .. ميدان باب الحرس >> الغريب في الموضوع انهم مش بيدعوا الناس فقط للتوجه للاستفتاء لا دول بيدعوا الناس للتصويت بـ " نعم " كمان !!!0

اخيرا وبعد معاناه استمرت ما يقرب من 4 شهور تم الانتهاء ولله الحمد من تجديد شارع الجلاء والنهارده السبت تم رصف الجزء المتبقي ... الشغل الان انتقل لميدان باب الحرس

100 مليووون جنية لانشاء جامعة دمياط !! الخبر ده انا قريته تقريبا علي ما اعتقد في المصري اليوم وكلام الجامعه ده انا قريت بدل المرة عشرة
اترك التعليق لزوار المدونه

التسول في بلدنا ... وعلاقته بيوم الخميس !!0

تسول .. تسول ... تسول
ده عنوان يوم الخميس عند كتير من الناس
الناس اللي بتيجي دمياط من اخر الدنيا عشان تشتغل شغلانة القرن الواحد والعشرين اللي هي " الشحاته " وبقت شغلانه رائجه واصحابها حضروا دكتوراه فيها !0

كل خميس في دمياط هتلاقي عيل صغير غلس وقفك في الشارع وعايز حاجه عشان يا عيني مكلش ولا لقمه من صباحيه ربنا
او تلاقي ست عندها 60 سنه بتقولك اي حاجه للعيال اليتامى دول !0
او تلاقي شاب داخل عليك وبيقولك ان انا من جمصه وجيت دمياط وممعييش فلوس عشان اروح فياريت تديني اي حاجه عشان اروح بلدنا وسدقني انا محرج منك !0
واشكال من دي كتير

اعرف واحد شحات بيجيلي كل الصيدليه اللي انا شغال فيها عشان اجمدله الفلوس ... والله الواحد مش بيحسد الشحات ده لكن فعلا دي شغلانه بتجيب دهب وياريت الراجل ده بيشحت مرة ولا مرتين ويعمله قرشين يشتغل بيهم لا طبعا ده خلاص بقي محترف مهنة الشحاته

والمشكله ان فيه ناس كتير بتسدق العالم دي وبتطلع فلوس وتديها

لا يا جماعه الموضوع مش كده .. مش اي واحد يجيلك ويقولك اي حاجه لله تديله وبالزات يوم الخميس !!0
لان اظاهر ان العالم دي مش بتنزل تشحت غير يوم الخميس لانهم عارفين ان البلد طول الاسبوع مفلسه ويم الخميس اهو كل واحد بيبقي في جيبه قرشين

فيه فرق يا جماعه بين واحد متسول نصاب نازل يسرقله قرشين من الناس اللي في رايه انهم مش هيعرفوا يكشفوه وبين ناس محتاجه فعلا وسدقوني المحتاج عمره ما هينزل الشارع ويعمل المناظر اللي الناس دي بتعملها

اتمني ان نستطيع جميعا ان نقضي على هذا الوباء المنتشر

اعدام 10.5 طن فول !!0

قامت مديرية تموين دمياط باعدام 10.5 طن فول فاسد كانت معدة للتوزيع علي البطاقات اتموينية المختلفة !0
وكانت التحريات قد كشفت عن قيام شركة التجارة بالجملة للسلع الغذائية بتفريغ الفول الفاسد واعادة تعبئته من جديد وتمديد فترة الصلاحية وبيعه مرة اخرى !! 0
وقامت المديرية بنقل الكمية المضبوطة الي مصنع سماد شطا لاعدامها

تعليق: فعلا الناس معتش عندها ضمير في البلد دي وربنا يستر علينا

نقلا عن اخبار دمياط