ار علني على الدمايطه في المصري اليوم !!00
0
دي صورة لعدد قديم من جريدة المصري اليوم ارسلها لي عبر ايميل الجريدةdamayta@yahoo.com
صديقنا المهندس السعيد اللبان فله كل الشكر والتقدير
المقاله - في تقديري الشخصي - هي بمثابة " أر " و "نق " واضح علي الدمايطه فهي تذكر ان "الدمايطه لا يعرفون معني البطاله "
وان " دمياط مدينة لا تعرف من الدنيا الا العمل " 0
وان الدمياطي " لم يجرب البطالة من قبل " 0
شفتوا بقي اللي بيتقال علينا ؟!0
نفسي بقي كاتب المقال ده ييجي دمياط تاني ويشوف حال الدمايطه ... فالدمايطه لا يختلفون كثيرا عن باقي محافظات مصر في ظروفهم المعيشيه وللاسف اللي بيقرا الكلام ده هيفكر ان الدمايطه دول مليونيرات وان الفلوس في دمياط " ملقحه " علي الارصفة
زي " الرز " !!0
يمكن الكلام ده كان يبقي صح من فترة كبيرة من الزمان فاتت .. لكن الوقتي الكلام ده لا يناسب الواقع اللي بيعيشه شعب دمياط .. والعدد الكبير من الناس اللي قاعدين علي القهاوي خير دليل علي كلامي ده
ولك الله يا شعب دمياط الغلبان
شكرا خاص للمهندس السعيد اللبان
2 comments:
اخ احمد
على كل حال الحمد لله حال الدمايطه احسن من غيرهم شويه
برغم الغلاء والبطاله
والله المستعان
د/محمد
اهلا بيك اولا
انا معاك طبعا ان الدمايطه ممكن يكونوا احن حالا من غيرهم خاصه بالنسبة للعمل ... لكنماذا سيفيد ان الواحد بيعمل وشايف ان كل حاجه حواليه بتزيد اسعارها .. يعني مثلا هديك مثالمرتب النجار اللي بيشتغل في ورشه هنفترض انه 200 جنيه في الاسبوع يعني 800 جنيه في الشهر .. طيب لو ده راجل مجوز ومعاه عيلين تلاته وساكن في شقه ايجار ب 300 جنيه مثلا او اكتر ... ده يعيش ازاي في وسط حاله الغلاء الرهيب اللي في البلد
والحمد لله علي كل حال واللي كنت فقط عايز ارصده من المقاله هو ان الدمايطه ايضا يعانون كما تعاني باقي المحافظات الاخري وكنت عايز اوضح ان ليس كلل ما ينشر عن الدمايه هو صحيح بنسبة 100 %
شكرا علي مروركم الكريم يا د/محمد
Post a Comment