دواء .. بالنمل !

شفنا كتير ازايز حاجة ساقعة بالصراصير واحيانا بالنمل .. لكن لما نلاقي زجاجة دواء مليئة بالنمل فده شيء يستحق منا الاهتمام

هذا الدواء الذي ستشاهدون صوره هو من انتاج شركة " ممفيس " للادوية وهي احدى شركات الدواء الحكومية
الدواء تم تصنيعه لوزارة الصحة المصرية
وجدت هذا الدواء في احدى الوحدات الصحية التابعة لمركز دمياط
اسم الدواء " سلفاميثوكسازول " وهو مضاد بكتيري
لاحظوا ان تاريخ انتهاء هذا الدواء ينتهي في 5/2010 اي ان تاريخه لا يزال ساريا حتى اعداد التقرير
لاحظوا ايضا ان الزجاجة لا تزال محكمة الغلق " متبرشمة " زي ما طلعت من الشركة المصنعة









طبعا الشركة اول حاجة هيكون تعليقها ان النمل ده دخل لزجاجة الدواء بعد ما طلعت من الشركة وده اصلا يعد ادانة ايضا للشركة لان المفروض ان الزجاجة بتكون " متبرشمة " بطريقة تمنع دخول اي حاجة داخل زجاجة الدواء

اتمنى انها تكون الزجاجة الوحيدة اللي دخل فيها نمل واتمنى ان اي حد مسئول من وزارة الصحة لو شاف هذا التقرير يحقق فيه حيث ان رقم تشغيلة هذا الدواء هي 507254
ومن السهل جدا تتبع هذه التشغيلة من لحظة خروجها من الشركة المصنعة

وياريت لو فيه احد المحاميين يفيدنا هل لو رفعنا قضية على هذه الشركة ممكن نكسبها ولا لا ؟؟

منتظر تعليقات الزوار الكرام