طريق دمياط - دمياط الجديدة .. الي متى الفساد ؟؟
طريق دمياط-دمياط الجديدة لايزال منذ ما يقارب الشهرين مثالا ودليلا واضحا علي الفساد الموجود في بلدنا مصر .. فالطريق الان وصل لحالة يندي لها الجبين حيث ضاعت ابسط حقوق المواطن المصري .. فالطريق وقبل زيارة الرئيس بايام بدا العمل به ووقام العاملون بايقاف حارة كاملة من الطريق علي امتداد حوالي 2 كيلو من الطريق ليتزاحم الطريق في حارة واحدة وخاصة في شهر رمضان ولم يكتف المسئولون عن الطريق بهذا بل قاموا بازالة الاسفلت من الحارة المشتركة ولتمتد هذه الحارة بطول سور ميناء دمياط ليجد الناس انفسهم يسيرون علي ما يشبه " الشواكيش " وهذا الوضع للاسف مستمر حتي ساعة اعداد هذا التقرير علي الرغم من الاهمية الكبيرة للطريق حيث يستخدمه عشرات الالاف يوميا ممن يعملون في ميناء دمياط او من سكان دمياط الجديدة
طيب المسئولين فكروا يجددوا ويطوروا الطريق دي حاجة كويسه طبعا ويشكروا عليها .. ليه مكنش ممكن ان نصلح حارة من الطريق وبعدين ننقل الطريق عليها وبعدين نصلح الحارة الاخري عشان الناس تمشي علي طريق محترم يصلح للبني ادمين ؟؟ ليه الوقت الطويل ده عشان نضع اسفلت جديد للطريق ؟؟ وهل لو قالوا ان مسئول كبير هييجي بعد كام يوم يعدي من علي الطريق او يفتتحه هل سيستغرق الطريق كل هذه المدة ؟؟
اترك التقرير بين ايدي المسئولين في المحافظة لينظروا في هذه المشكلة لعل وعسى تجد منهم اذانا صاغيا حتي ينعم المواطن باقل حقوقه في هذا البلد
No comments:
Post a Comment