ايه موضوع شارع الجلاء ده ؟؟؟
الموضوع طول وشكله لسه هيطول
من حوالي شهر ونص تقريبا وشارع الجلاء - الشارع الجديد - مقلوب
والسبب تطوير وتجميل الشارع ... ماشي تطوير تجميل مقلناش حاجه
بس الموضوع طول قوي !؟
هو مش المفروض ان فيه ميزانية اتحطت للمشروع ده وبعد كده المشروع بدات المحافظة تشتغل فيه ولا هما بشتغلوا علي قد الفلوس اللي بتجي ولما ميكونش فيه فلوس خلاص وقف يا جدع !!0
المشكله ان المشروع كان في اوله ماشي بسرعة البرق .. يعني خلال ايام عماويد الكهربا اتشالت وخلوا سلوك الكهربا ارضي وسفلتوا جزء من الشارع وحطوا عماويد النور وبداوا يعملوا الرصيف
لكن حبه في حبه معتش الواحد بيشوف حد بيشتغل في الشارع وكل تلت اربع تيام لما الواحد بيلاحظ شغل في الشارع وشغل بسيط قوي
وكمان المحافظ نقلا عن جرنان " الدمايطه " قال ان الشارع هيتم تسليمه قبل العيد الكبير !!!! 0
طيب لما ده يحصل في شارع رئيسى في المدينة امال لو كان شارع فرعي ممكن يشتغلوا فيه اد ايه ؟؟؟؟؟؟
2 comments:
مبروك المدونة مليون مرة ...نصدق انا كده هاعرف اخبار دمياط من غير ما اسال اهلى عليها لانى عايش بره ...فيه حاجات اهم من الكورنيش مليون مرة ....بس الاساتذة لازم تاكل ...حسبنا الله ونعم الوكيل ..مش لما يبقوا يلبوا للناس احنياجاتهم الاساسية من مياه صحية وصرف وطرق مش متكسرة ..منهم لله ...
بقى لهم كام بيعدلوا فى الكورنيش وتخيل كام اللى اتصرف عليه ...الله المستعان
الله يبارك فيك يا باشا واتمني تشرفني علاطول بزيارتك للمدونه
Post a Comment