المظاهرات تجتاح دمياط
خاص - جريدة دمايطه الالكترونية
-
خرجت عشرات المظاهرات خلال الايام الماضية في اماكن متفرقة من مدينة دمياط تضامنا مع اهالي غزة واحتجاجا علي الدور المصري في هذه القضية وقد تم تنظيم اكثر من مظاهرة امام جامع البحر وامام نقابة الاطباء وعمارة الاوقاف بشارع الجلاء ولوحظ التواجد الامني المكثف مع كل مظاهرة يتم تنظيمها .. هذا وقد وصل عدد من الرسائل القصيرة علي موبايلات عدد كبير من الدمايطه وتحمل الرساله عنوان " الاخوان المسلمون " وتدعو الناس الي مظاهرة بعد صلاة الجمعة امام جامع البحر تضامنا مع اهالي غزة
2 comments:
السلام عليكم ورحمة الله وبركاته فعلا عندك حق يا دكتور احمد والمفروض انهم يكتبوا مدينة مش محافظة لان الاهتمام في اي محافظة بيكون بالمدينة فقط وياريت تكون حتى المدينة كلها لولن الواحد مننا دخل اي شارع جانبي وناخد شارع الجلاء مشلا لو دخلت من جنب بنزينة موبيل وشفت كمية القمامة الموجودة خلفها والطين اللي بيحطوه جنب السور بتاعها اللي خارج من غسيل العربيات وللا كمان الاعصر لو دخلت من جنب موديرية الامن ومشيت شارعين بس تشوف العجب العجاب وللا المجاري اللي طافحة في كل منطقة وللا الشوارع من تركيب الغاز اصبحت لا تطاق وتجيب توتر الاعصاب والمفروض الحكومة تعمل اللي عليها وترصف الشوارع وتصلح الصرف الصحي وشبكة مياه الشرب اللي بتضرب ماسورة كل شوية وللا المفروض اننا اللي نعمل الحاجات دي وللا الموضوع موضوع منظرة وخلاص وان دمياط انضف مدينة .طيب فين صناديق القمامة اللي المفروض انها تكوم موجودة في كل شارع وحارة وان عربيات النضافة فعلا تشيل القمامة دي بدل ما تولع فيها وتمشي علشان العمال ميتعبوش نفسهم ويشيلوها والمثل الاكبر كورنيش النيل الجديد فين وفين لما تلاقي صندوق ترمي فيه ومنظر قشر اللب اللي على الكورنيش من اوله لاخره شيء مقزز جدا بس بصراحة ده من الناس لانهم مش بيرموه في كيس وطبعا كلنا عارفين الناس بتاكل اللب ازاي وللا المركب والبلاوي اللي بيرموها في البحر وده طبعا لانهم ملهمش رصيف بحري يركنوا عليه لانهم 65%من اسطول الصيد في مصر فطبعا هيشيلوا القمامة وللا هيشيلوا السمك وهما نازلين من المركب وهي في نص النيل.لو عديت بالمعدية العزبة هتشوف اللي عمرك ما شفته من ناحية راس البر او من ناحية عزبة البرج والله حاجة تقهر وده معناه ان الميه هناك في منتهى القذارة وان الجربي السياحي اسم على مسمى وانه فعلا يجيب الجرب للمصطافين ودي نصيحة لكل المصطافين عدم النزول للجربي للاستحمام لخطورته الشديدة على الصحة العامة وده مش هزار.فيا ريت ان الحكومة تعمل اللي عليها اول وبعدين نعمل احنا اللي علينا وزيادة شوية وللا يعني رسوم النظافة اللي مزهقنا بيها دي رسوم غلاسة؟؟؟
اسفة كتبت التعليق في البوستر ده غلط
Post a Comment