هل تنجح حملة النظافة الجديدة في تنظيف دمياط ؟؟
انتشر في الايام الماضية عدد من اليافطات التي تعلن عن بدء حملة تحت اسم " نظفوا مدينتكم " تحت رعاية محافظة دمياط وتدعو الدمايطه للمشاركة في الحملة وشاهدت سيارة تحمل ميكرفون وتتجول في شوارع دمياط للاعلان عن الحملة والدعوة للمشاركة فيها
يافطة في ميدان الكباس تعلن عن الحملةوللاسف لم تحدد الحملة كيفية المشاركة فيها وعن الخطة الموضوعة لكيفية تنظيف البلد .. كان المفروض ان لو دي حملة منظمة فعلا ان يتم اعلان كيف يشارك الناس فيها وعن الخطوات التي ستتبعها الحملة لكي تخرج بنجاح ويلاحظ اثرها في الشارع الدمياطي
كذلك ارجو من المسئولين اذا كان عندهم النية في تنظيف البلد فعلا الا يذهبوا الي كورنيش النيل وشارع الجلاء وميدان الكباس وفي الاخر يخرجوا علينا يبالانجازات " العظيمة " للحملة والصور تطلع في الجرايد الرسمية عن اعلان دمياط انظف محافظة في جمهورية مصر العربية!! كما حدث في مشكلة البطالة عندما اعلنوا عن ان دمياط هي المحافظة الوحيدة التي لا يوجد بها بطالة ونسبة البطالة فيها 0 % والشباب العاطل قاعد علي القهاوي من غير شغل بالمئات وربما الالاف !!
اتمنى ان يذهب المسئولين الي اطراف المدن والحارات والمناطق الشعبية ويعلنوا حملة النظافة فيها فهذه المناطق هي التي تحتاح لحملة ولربما حملات كثيرة لان للاسف في هذه المناطق لا يجد الناس وسيلة للتخلص من القمامة الا بحرقها
كما اتمني ان تكون هناك حملات اخرى عن مكافحة الموتسيكلات الصيني ومكافحة تلوث الهواء وحملة لتنظيف مياه الشرب( دمياط تحتل المراكز الاولى علي مستوى المحافظة في الفشل الكلوي الناتج عن تلوث مياه الشرب !!) 0
2 comments:
ام ادهم said...
السلام عليكم ورحمة الله وبركاته فعلا عندك حق يا دكتور احمد والمفروض انهم يكتبوا مدينة مش محافظة لان الاهتمام في اي محافظة بيكون بالمدينة فقط وياريت تكون حتى المدينة كلها لولن الواحد مننا دخل اي شارع جانبي وناخد شارع الجلاء مشلا لو دخلت من جنب بنزينة موبيل وشفت كمية القمامة الموجودة خلفها والطين اللي بيحطوه جنب السور بتاعها اللي خارج من غسيل العربيات وللا كمان الاعصر لو دخلت من جنب موديرية الامن ومشيت شارعين بس تشوف العجب العجاب وللا المجاري اللي طافحة في كل منطقة وللا الشوارع من تركيب الغاز اصبحت لا تطاق وتجيب توتر الاعصاب والمفروض الحكومة تعمل اللي عليها وترصف الشوارع وتصلح الصرف الصحي وشبكة مياه الشرب اللي بتضرب ماسورة كل شوية وللا المفروض اننا اللي نعمل الحاجات دي وللا الموضوع موضوع منظرة وخلاص وان دمياط انضف مدينة .طيب فين صناديق القمامة اللي المفروض انها تكوم موجودة في كل شارع وحارة وان عربيات النضافة فعلا تشيل القمامة دي بدل ما تولع فيها وتمشي علشان العمال ميتعبوش نفسهم ويشيلوها والمثل الاكبر كورنيش النيل الجديد فين وفين لما تلاقي صندوق ترمي فيه ومنظر قشر اللب اللي على الكورنيش من اوله لاخره شيء مقزز جدا بس بصراحة ده من الناس لانهم مش بيرموه في كيس وطبعا كلنا عارفين الناس بتاكل اللب ازاي وللا المركب والبلاوي اللي بيرموها في البحر وده طبعا لانهم ملهمش رصيف بحري يركنوا عليه لانهم 65%من اسطول الصيد في مصر فطبعا هيشيلوا القمامة وللا هيشيلوا السمك وهما نازلين من المركب وهي في نص النيل.لو عديت بالمعدية العزبة هتشوف اللي عمرك ما شفته من ناحية راس البر او من ناحية عزبة البرج والله حاجة تقهر وده معناه ان الميه هناك في منتهى القذارة وان الجربي السياحي اسم على مسمى وانه فعلا يجيب الجرب للمصطافين ودي نصيحة لكل المصطافين عدم النزول للجربي للاستحمام لخطورته الشديدة على الصحة العامة وده مش هزار.فيا ريت ان الحكومة تعمل اللي عليها اول وبعدين نعمل احنا اللي علينا وزيادة شوية وللا يعني رسوم النظافة اللي مزهقنا بيها دي رسوم غلاسة؟؟؟
عندك حق في كل كلمة حضرتك قولتيها يا ام ادهم
ربنا يصبرنا ولنا الله
Post a Comment